ශ්‍රී ලංකාව ඇතුළු ආසියානු රටවල පුස් කොළ පොත් සංස්කෘතිය තේමා කරගත් විද්වත් සාකච්ඡාවක් චීනයේදී

Read Time:4 Minute, 36 Second

ශ්‍රී ලංකාව, චීනය මෙන්ම අනෙකුත් දකුණු ආසියානු  හා අග්නිදිග ආසියානු රටවල තල් කොළ සංස්කෘතිය තේමා කරගෙන රචනා කළ “Palm- Leaf Culture & Regional Cultural Heritage Inheritance and Protection” නැමති ශාස්ත්‍රීය ග්‍රන්ථය පිළිබඳ විද්වත් සංවාදයක් චීනයේ යුන්නාන් පළාතේ කුන්මින් නගරයේදී පැවැත්විණ.

පසුගිය සිකුරාදා (19)  පැවති මෙම සංවාදය සංවිධානය කර තිබුණේ යුන්නාන් ස්වභාවික හා සංස්කෘතික උරුමයන් සුරැකීමේ ප්‍රවර්ධන සංගමයේ (Association of Yunnan Natural & Cultural heritage Protection and Promotion -YNC) සත්කාරකත්වයෙනි. යුන්නාන් විශ්වවිද්‍යාලයේ විදේශ භාෂා පාසලෙහි සිංහල අධ්‍යයන අංශයේ කථිකාචාර්ය සුගත් රත්නායක,  එම විශ්වවිද්‍යාලයේ සමාජවිද්‍යා අධ්‍යක්ෂ මහාචාර්ය Yang ShaoJun සහ සංස්කෘතික සංවර්ධන පර්යේෂණ ආයතනයේ මහාචාර්ය LI Yan යන මහත්වරුන් ද මෙම සාකච්ඡාවට එක්ව සිටියහ.

මෑතකදී ප්‍රකාශයට පත් කරන ලද මෙම ග්‍රන්ථය සම්පාදනය කර ඇත්තේ යුන්නාන් විශ්වවිද්‍යාලයේ සංවර්ධන පර්යේෂණ ආයතනයේ (Development Research Institute of Yunnan University)  සහකාර පර්යේෂක සහ අධ්‍යක්ෂ ආචාර්ය Zhou Ya මහත්මිය විසිනි. එහි පර්යේෂකයෙකු වන මහාචාර්ය Guo Shan මහතා විසින් එම කෘතිය සම-සංස්කරණය කරන ලදී.

තල් කොළ සංස්කෘතික උරුමය සහ එම සංස්කෘතිය ආරක්ෂා කිරීම  පිළිබඳ චීන සහ විදේශීය විද්වතුන් 50 කට ආසන්න පිරිසකගේ පර්යේෂණ ප්‍රතිඵල මෙම ග්‍රන්ථයට ඇතුළත් කර තිබේ. මෙම ග්‍රන්ථයට කොළඹ විශ්වවිද්‍යාලයේ  පාලි හා බෞද්ධ අධ්‍යයන අංශයේ මහාචාර්ය විමල් හේවමානගේ මහතා විසින් “ශ්‍රී ලාංකේය බෞද්ධ සංස්කෘතියේ තල් කොළ උරුමය” (Heritage of Palm-leaf in Sri Lankan Buddhist Culture) නමින් ලිපියක් සම්පාදනය කර ඇත.

මෙම විද්වත් සාකච්ඡාවේදී, ආචාර්ය Zhou Ya මහත්මිය පැවසුවේ තල් කොළ සංස්කෘතිය යනු චීනය, තායිලන්තය, ලාඕසය, මියන්මාරය කාම්බෝජය, ශ්‍රී ලංකාව සහ අනෙකුත් රටවල සාම්ප්‍රදායික වැදගත් සංස්කෘතියක් බවයි. අතීතයේ ඉතිහාසය, සංස්කෘතිය, ආගම, සාහිත්‍යය සහ කලාව සමග තල් කොළ සංස්කෘතිය බැඳී තිබු බව ද ඇය පැවසුවාය.

යුන්නාන් විශ්වවිද්‍යාලයේ විදේශ භාෂා පාසලෙහි සිංහල අධ්‍යයන අංශයේ කථිකාචාර්ය සුගත් රත්නායක මහතා මෙහිදී පැවසුවේ ශ්‍රී ලංකාවේ පුස්කොළ පොත් ලිවීමේ කලාව 05 වැනි ශත වර්ෂයේ වළගම්බා රජ සමයේදී බුදුදහම ග්‍රන්ථාරූඪ කිරීමෙන් විධිමත් වු බවයි. ඒ අනුව මාතලේ අලු විහාරයේදී එතෙක් මුඛ පරම්පරාවෙන් පැවති බුදුදහම පුස්කොළ පොත්වල ලියා තැබීම ආරම්භ කළ බව ඔහු පැවසීය.

මෙහිදී Hubei විශ්වවිද්‍යාලයේ ඉතිහාස හා සංස්කෘතික පාසලේ මහාචාර්ය Zheng Xiaoyun මහතා ප්‍රකාශ කළේ මෙම කෘතිය දිගුකාලීන පර්යේෂණවල ප්‍රතිඵලයක් බවයි. මේ පිළිබඳව 2001 වසරේ සිට සිදුකළ පර්යේෂණ බීජයක සිට කුඩා ගසක් දක්වා වර්ධනය වී ඇතැයි ඔහු පැවසීය. මහාචාර්ය Zheng Xiaoyun මහතා වැඩිදුරටත් පැවසුවේ මේ පිළිබඳ පර්යේෂණ අනාගතයේදී තවත් නව ප්‍රතිඵල ලබා දෙනු ඇති බවයි.

තල් කොළ සංස්කෘතිය ආරක්ෂා කිරීම සම්බන්ධව අග්නිදිග ආසියානු සහ දකුණු ආසියානු රටවල විද්වතුන් සහ යුන්නාන් විද්වතුන් අතර සංස්කෘතික හුවමාරු සහ සහයෝගීතාව ගැඹුරු කිරීම ප්‍රවර්ධනය කිරීම සහ තල්කොළ සංස්කෘතික උරුමය සහ ආරක්ෂාව ඒකාබද්ධව ප්‍රවර්ධනය කිරීම සඳහා මෙම ග්‍රන්ථය ප්‍රකාශයට පත් කිරීම උපකාරී වේ.

About Post Author

Staff Writer

Happy
Happy
100 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Previous post තායිලන්තයේ ස්ථාන 17 ක පිපිරීම් සහ ගිනිගැනීම්
Next post A/L ප්‍රතිඵල නිකුත් කෙරේ