ආසියානු දැල්පන්දු ශූරතාව ශ්‍රී ලංකාව දිනා ගනී

06 වැනි වරටත් ආසියානු කුසලාන දැල්පන්දු ශූරතාවලිය ජයගැනීමට ශ්‍රී ලංකා දැල්පන්දු කණ්ඩායම සමත් විය.

ඒ සිංගප්පූරු කණ්ඩායම සමග පැවති තරඟයේ දීය.

අවසන් තරගයෙ පළමු කාර්තුව අවසන්වන විට,  ලකුණු 19 – 13ක් ලෙස සිංගප්පූරුව පෙරමුණ ගත් අතර  දෙවන කාර්තුව අවසානයේද සිංගප්පූරු ක්‍රීඩිකාවන් පෙරමුණ ගත්තේ ලකුණු 27 – 30ක් ලෙසයි.

අනතුරුව ලකුණු 03ක් පසුපසින් සිටිමින් දෙවැනි කාර්තුව අවසන් කළ ශ්‍රී ලාංකික ක්‍රීඩිකාවන් තුන්වැනි කාර්තුවේදී විශිෂ්ඨ ක්‍රීඩා රටාවක නිරතවිය.

ඒ අනුව එම කාර්තුව අවසානයේ ශ්‍රී ලංකාව පෙරමුණ ගත්තේ ලකුණු 46 – 38 ක් ලෙසයි.

එම ලකුණු පරතරය එලෙසම රඳවාගනිමින් දක්ෂ ලෙස ක්‍රීඩා කළ ශ්‍රී ලාංකික ක්‍රීඩිකාවන් නියමිත කාලය අවසන් වන විට එම පරතරය ලකුණු 10 දක්වා වැඩිකර ගැනීම සමත්විය.

ශ්‍රී ලංකාව තරගය ජයගත්තේ ලකුණු 63 – 53 ක් ලෙසයි.